स्वातंत्र्याचा अमृत महोत्सव निबंध मराठी PDF

स्वातंत्र्याचा अमृत महोत्सव

स्वातंत्र्याचा अमृत महोत्सव साजरा करत असताना आज देशापुढे असलेल्या ज्वलंत समस्यांचा विचारपूर्वक आढावा घेऊन एक वैचारिक सिंहावलोकन होणे गरजेचे आहे. आज देशापुढे असलेल्या सामाजिक संरक्षण विषयक समस्या अतिशय भेदकपणे भारत राष्ट्राला पोखरत आहेत. प्रांतभेद, जातिभेद, लिंगभेद, भाषाभेद, सामाजिक असमता,आर्थिक असमता, दहशतवाद यांनी भारत देश मेटाकुटीला आला आहे.सर्वसामान्य माणसाच्या मानगुटीवर बसलेलं दारिद्र्य पाहिलं की भारत मातेच्या डोळ्यातून किती दुःखाचे अश्रू दररोज वाहत असतील याची कल्पना येते.

1947 ला देश स्वतंत्र झाला आणि 2047 ला भारत जगामध्ये एक महासत्ता म्हणून निर्माण वाहे आज आपण स्वप्न जरुर पाहत आहोत परंतु देशभक्तांनी पाहिलेली स्वप्ने काय होती याचा आपल्याला विसर पडला नाही ना? असा प्रश्न आज माझ्या मनात निर्माण होतो. कारण आर्थिक दृष्ट्या आणि संरक्षण दृष्ट्या भारत बलवान जरी झाला तरी सर्वसामान्य भारतीय नागरिकाचे जीवनमान कितपत उंचावले आहे? हा फरक खरं विचार करण्यासारखा प्रश्न आहे.

ए मेरे वतन के लोगो जरा आंखो मे भरलो पानी

जो शहीद हुए है उनकी जरा याद करो कुर्बानी”

असे नम्रतापूर्वक प्रत्येक भारतीयाला सांगून आपल्या भारतातील सामान्यातील सामान्य देशबांधवांना स्वातंत्र्याचे फळे मिळाली पाहिजेत.यासाठी तन-मन-धनाने प्रयत्न करावेत. यासाठी प्रेरणा निर्माण होतो आणि यासाठी त्यांना मी शुभेच्छा देतो. भारतीय स्वातंत्र्याच्या अमृत महोत्सवाच्या निमित्ताने हा

“आचंद्र सूर्य नांदो स्वातंत्र्य भारताचे,

आचंद्र सूर्य नांदो स्वातंत्र्य भारताचे” असे म्हणून थांबतो.

या संपूर्ण सोहळ्याचे थेट प्रक्षेपण दिल्लीवरुन टेलिविजन व रेडिओवर करण्यात येते . संपूर्ण देशातील शाळा, महाविद्यालय ,खाजगी आणि सरकारी कार्यालयांमध्ये राष्ट्रीय ध्वज फडकविला जातो . या दिवशी शाळा आणि महाविद्यालयांमध्ये निबंध, भाषण, गायन अशा विविध स्पर्धांचे आयोजन करण्यात येते . स्पर्धेतील यशस्वी विद्यार्थ्यांना तसेच गुणवंत विद्यार्थ्यांना बक्षिसे देण्यात येतात.

विद्यार्थ्यांना खाऊ दिला जातो आणि त्यानंतर सुट्टी दिली जाते . संपूर्ण देशभरात आनंदाचे वातावरण असते . अशाप्रकारे स्वातंत्र्य दिन मोठ्या उत्साहात संपूर्ण देशभरात साजरा केला जातो. आज सर्व शहरात ,तालुक्यात ,गावात ध्वजारोहण केले जाते रा. ष्ट्रगीत गायले जाते . भारतात सर्वत्र भाषणे , प्रभातफेरी यांचे आयोजन केले जाते.

आपण सर्वजण खूप नशीबवान आहोत की स्वतंत्र अशा भारत देशामध्ये आपला जन्म झाला आहे. त्या शूर वीरांच्या बलिदानामुळेच आपण आज शांत आणि सुंदर आयुष्य जगू शकत आहोत . आजचा हा सुवर्णकाळ आपण इथे आनंदाने उत्साहाने साजरा करत आहोत . कारण आपल्या देशाचे वीर जवान तिकडे सीमेवरती स्वतःचा जीव धोक्यात घालून शत्रूशी सामना करत आहेत.

या सैनिकांना माझा सलाम . आज आपला भारत देश आणि शिक्षण, विज्ञान-तंत्रज्ञान ,खेळ, व्यापार अशा अनेक क्षेत्रात मोलाचे काम करत आहे. दिवसेंदिवस देश प्रगतीपथावर जात आहे . परंतु समाजात गुन्हेगारी ,भ्रष्टाचार ,गरिबी आणि अस्वच्छता यांचे प्रमाण वाढत आहे . भारताचे एक नागरिक म्हणून देशाच्या विकासासाठी आपण प्रयत्न केले पाहिजेत.

वाईट लोकांपासून आणि वाईट गोष्टी पासून आपल्या देशाचे संरक्षण केले पाहिजे. सर्वांनी एकत्र येऊन एकजुटीने काम करून भारत देश जगातील सर्वोत्कृष्ट देश बनवणे हे आपले कर्तव्य आहे.

” स्वातंत्र्याच्या जल्लोषाचा,
महिमा हा आगळा…
अमृत महोत्सवी वर्षात
साजरा करू उन्नतीचा सोहळा स्वातंत्र्याचे जतन कराया,
त्यागाचा मार्ग धरू वेगळा !!”